In Mestreech woort get aofgezónge in de loup vaan d'n tied.

Veur eder gelegenheid had de Mestreechteneer z'n leedsjes.

En es ze d'r neet waore daan woorte ze gemaak!

Zoe is 'n sjat vaan óngekinde weerde óntstande.

Me zuut aon de leedsjes tot de Mestreechteneer 't plezeer zeuk.

Mer ouch zie sjagrijn klink drin door.

Sóms geit heer middenin e leedsje inins euver op 't Hollands.

Dèks is dat e teike tot heer serjeus weurt!!!!!!!

De leedsjes weure nógalins op versjèllende menere gezónge.

Dat kump umtot ze vaan ginneratie op ginneratie móndeling euvergelieverd woorte.

En daan wèlt wel ins get veraandere.

Iech wins uuch väöl plezeer mèt 't beluustere en zinge vaan dees Mestreechter sjatte.